BOKLANSERING: UTVEG av Erling Flote
Velkomen til boklansering!
Det er ei stor glede å invitere til lanseringa av Erling Flotes debutroman Utveg, som blir utgitt av Det Norske Samlaget.
Dette skjer:
– Innleiing ved redaktør Mari Reinholt Aas
– Samtale om boka og skriveprosessen, leia av Anne Fjellro
– Opplesing
– Boksal og signering
Frå bokomtalen:
Når alt ikkje er som det ser ut.
Johanne går andre året på vidaregåande og har allereie begynt å planlegge framtida si når ho er ferdig på skulen. Ho vil studere psykologi, flytte ut av den tronge bygda og oppleve verda. Men foreldra har andre planar for henne, dei vil at ho skal overta slektsgarden.
Gjennom nokre varme veker i mai blir Johanne tvinga til å ta eit oppgjer med familien sin, venene sine og ikkje minst med seg sjølv.
Skal ho halde fram den nye venskapen med Linn, sjølv om Linn heng med rånarane og er så annleis enn ho sjølv? Skal ho ta over garden eller bryte med tradisjonen? Og korleis skal ho stille seg til familiehemmelegheitene som plutseleg dukkar opp?
Utveg er ein roman om venskap, om det å vekse opp og finne ut at vaksne ikkje alltid gjer det rette, og kanskje finne nye vegar ein ikkje visste fanst.
Les meir om boka her.
Arrangementet finn stad på Litteraturhuset Fredrikstad, tysdag 30. april. Dørene opnar kl. 18.00, og arrangementet startar kl. 18.30.
